Батыс Қазақстан облысында 64 тонна шөп өртеніп кетті

Батыс Қазақстан облысының Ақсуат ауылында 60 тоннадан астам шөп өртенді.

Бұл туралы Orda.kz хабарлайды.

«Хабар 24» мәліметінше, Ақсуат ауылында қора-қопсы мен 64 тонна шөп жанып кетті. Қызыл жалын тек 8 сағаттан соң сөндірілген. Ешкім зардап шеккен жоқ.

Сонымен қатар, Орал қаласының іргесінде 120 гектар алқап отқа оранды. Төтенше жағдайлар департаментінен арнайы штаб құрылып, өртті сөндіруге 104 адам мен 15 техника жұмылдырылды.

Орман шаруашылығы мекемесі мен ерікті өрт сөндіру құрылымдарынан қосымша күш тартылған. Күні бойы үздіксіз жедел әрекет натижесінде қызыл жалын толық өшірілді. Оқыс оқиғалардың шығу себебі анықталып жатыр.