Батыс Алтай қорығында орман өртеніп жатыр

Шығыс Қазақстан облысының Риддер қаласында кеше түнде Батыс Алтай мемлекеттік табиғи қорығы аумағында орман өртенді. Түтінді қорық қызметкерлері анықтап, дереу өз басшылығына, сосын Риддер қаласының Төтенше жағдайлар бөліміне хабарлаған.

Олардың мәліметінше, өрт 67-ші және 68-ші блоктар аумағында, Чернушка өзені мен Прямой өзенінің орманды аумаққа құяр жерінде басталған. Өрт сағат 17.00 шамасында анықталды.

«Ол жерге Батыс Алтай қорығы күштері мен құралдары дереу жіберілді. Белая Уба аумағына екі өрт сөндіру көлігі және сегіз адам барды. Бірақ бұл аймаққа жету қиын, көлікпен жету мүмкін емес, қазір қорық қызметкерлері орман өрт сөндіргіштері көмегімен атпен су тасып,  өртті сөндіруде. Сондай-ақ, қалалық төтенше жағдайлар бөлімінен қосымша көмек жіберілді. КамАЗ өрт сөндіруші көлігі, бұл бес тонналық автоцистерна және 8 адам кетті», - деді Риддер қаласының Төтенше жағдайлар бөлімінің бастығы Евгений Тарасов.

Тоғайы көп Риддерде, өкінішке қарай, өртті сөндіретін, барлауға арналған тікұшақ жоқ. Айтпақшы, бұл мәселе Экология және табиғи ресурстар министрінің Шығыс Қазақстан облысына жұмыс сапары барысында көтерілді. Мамандар әуе көлігінің қала ішінде болуын сұрағанымен, әзірге оны Өскеменнен алдыруға тура келеді.

Облыс орталығынан келген Ми-2 ұшағы рейс жасап, 0,3 гектар аумақты анықтады.

Батыс Алтай қорығында олар өрттің шығуына найзағай себеп болуы мүмкін екенін айтты. Қорық аумағында ағаштар өртеніп жатыр. Жел жоқ, оттың таралуы әлсіз.

«Қазір өрт сөндіру техникасы бойынша оқытылған адамдар жұмылдырылды. Бізде бәрі бар: мотопомпалар, ауа үрлегіштер, сөмке бүріккіштер. Түнде ұшуға тыйым салынғандықтан, біз отқа әуеден су төге алмасақ, бұл қауіпті болуы мүмкін. Сондықтан бүгін таңертең Өскеменнен өртті сөндіруге қосымша күш пен құралдармен Ми-8 тікұшағы келеді», - дейді Батыс Алтай мемлекеттік табиғи қорығы бас мемлекеттік инспекторының орынбасары Людмила Винокурова.

Риддер қаласының төтенше жағдайлар бөлімі өрттің тез арада сөндірілетініне сенім білдірді. Өрт аумағы шағын, жел жоқ. Оның үстіне қазірдің өзінде резервтегі қызметкерлерге көмекке техникалар мен қызметкерлер жіберілген.