Батырхан Төлеуғали ширек финалға шықты ма?

Таеквондодан Қазақстан командасының мүшесі Батырхан Төлеуғали Париж Олимпиадасының ширек финалына шыға алмады.  Ол екінші жекпе-жегінде жеңіліс тапты. 

Бұл туралы  Olympic.kz хабарлады. 

Ерлер арасында 80 келіге дейінгі салмақта бақ сынасқан Батырхан 1/8 финалдық айналымда екі дүркін әлем чемпионы, италиялық Симоне Алессиомен кездескен еді.

Италиялық спортшы 2:0 есебімен жеңіске жетті.

Төлеуғали бірінші айналымда Мали елінің спортшысы Исмаил Кулибалиді жеңген болатын. 

Айта кетелік, бұл 18 жастағы  Батырхан Төлеуғалидың тұңғыш Олимпиадасы. Ол - Қазақстан атынан қатысып жатқан ең жас атлет.