Баткен облысындағы қырғыз-тәжік шекарасында атыс болды

Бұл оқиға бүгін  Баткен ауданының Құм-Мазар елді мекенінде болған. Шекарашылар арасында атыс болған. Алдын ала ақпарат бойынша, зардап шеккендер мен жараланғандар жоқ.

Қырғыз үкіметінің Баткен облысындағы арнайы өкілі Әбдікәрім Әлімбаев шекараның қырғыз-тәжік учаскесіндегі жағдай тұрақтанғанын мәлімдеді.

— Соғды облысының губернаторы Ахмадзода Раджоббамен келіссөздер жүргізілді, біз екі тараптың азаматтары бөлек тұруға келістік. Келіссөздер аудан әкімі және шекара өкілдері деңгейінде де жүргізілді. Бұған дейін тәжікстандықтар Құм-Мазар аумағында сенбілік өткізгісі келген. Бұл біздің азаматтарымыздың наразылығын тудырды, - деді Әбдікәрім Әлімбаев.

Ведомствоның мәліметінше, Баткен ауданының Құм-мазар елді мекенінде Тәжікстан азаматтары қырғыз тарапының келісімінсіз учаскеден құм тазалау жұмыстары бойынша шаралар өткізе бастаған.

— Оқиға орнына Қырғызстан шекарашылары, жергілікті билік өкілдері мен тұрғындар жиналды. Тәжіктер қырғыздардың жұмысты тоқтату туралы талабын ескермеген. Сонымен қатар тәжікстандықтар қырғыз азаматын ұруға тырысқан. Әрі қарай, дау төбелеске ұласып, бір-біріне тас лақтырды, - деп хабарлады  ақпарат агенттігі.

Қырғыз үкіметінің Баткен облысындағы арнайы өкілінің айтуынша, қазіргі уақытта шекараға жиналған екі елдің азаматтары таратылған.