Бастысы Путиннің Қазақстанға, Тоқаевқа, Назарбаевқа деген көзқарасы – Ертісбаев

Қазақстанның тұңғыш президенті Нұрсұлтан Назарбаевтың бұрынғы кеңесшісі Ермұхамет Ертісбаев ресейлік саясаткерлердің кейбір мәлімдемелеріне қазақстандықтар неге назар аудармау керектігін айтты.

«Ол жерде Мемлекеттік Думаның екі-үш депутаты қазаққа қарсы мәлімдемелер жасады. Оларға лайықты қарсылық берілді. Мен бұл адамдарды білемін. Олардың сыртқы немесе ішкі саясатқа еш қатысы жоқ. Олар «атың шықпаса, жер өрте» принципімен жұмыс істеді. Эфирде бірдеңесін айтты» деді Ертісбаев журналист Гүлнәр Бажкеноваға берген сұхбатында.

Оның айтуынша, бастысы – Путиннің көзқарасы.

«Ең бастысы - Путиннің Назарбаевқа, Тоқаевқа және Қазақстанға қалай қарайтыны. Путиннің Тәуелсіздік күнімен құттықтауын қараңыз, ол Қазақстанды әлемдегі ең беделді мемлекеттердің бірі ретінде қалай жоғары бағалады» деп түйіндеді Ертісбаев.

Еске салсақ, 2020 жылы Ресей Мемлекеттік Думасының депутаты Вячеслав Никонов бірінші арнада «Қазақстан аумағы Ресей мен Кеңес Одағының үлкен сыйы» деген болатын. «Единая Россия» партиясының тағы бір мүшесі, Мемлекеттік Думаның депутаты Евгений Федоров Никоновтың пікірімен келісіп, Қазақстан өз аумақтарын Ресейге беруі керек деп қосты.

Никоновтың бұл сөзі Қазақстанның наразылығын тудырды. Республиканың Сыртқы істер министрлігі Ресейге нота жолдады.