«Басты рөлі бір жарым млн теңге»: Актер Жан Байжанбаевқа қатысты шу шықты

Қазақстандағы бір киномектеп 15 жастағы қыздың актер Жан Байжанбаевпен бірге фильмге түсуіне бір жарым миллион теңге талап еткен, деп хабарлайды Orda.kz. 

«Жетінші арна» мәліметінше, Ұлпан есімді келіншектің 15 жастағы қызы Көркем әлеуметтік желілер арқылы кастинг туралы біледі. Онда Жан Байжанбаевпен бірге фильмге түсуге шақырады. Кастинг ұйымдастырушылар міндетті түрде ата-аналарымен келуді тапсырады. Әуел бастан менеджерлер Ұлпанға оның қызы басты рөлге ие болатынын, ол жабық шоуға лимузинмен келіп, қызыл кілеммен жүретінін айтады. Бірақ бұл үшін ата-аналар бір жарым миллион теңге төлеуі керек болған. Ұйымдастырушылар әйелдің қаражатты бірден төлегенін талап етеді. 

Ұлпан бұл туралы әлеуметтік желілерде де айтты. Сол кезде көптеген адам оған бұл жиі кездесетін тәсіл екенін жазды. Киноға түсуге немесе модельдік курстарда оқуға шақыратын және сол үшін ақша сұрайтын көптеген агенттіктер бар екен. 

Жан Байжанбаевтың менеджері рөлді сомдауға шақырылғанын растады. Бірақ оқу процесі мен бағаға актердің еш қатысы жоқ екенін, бұған тек студия жауапты екенін айтты. 

Айта кетейік, танымал блогер қыз бетін қайтарған соң Балқаштың жігіттері оны суға батырып жібере жаздады.