Басшысыз қалған Сирияны кім басқарады?

Сирияда Башар Асадтың режимі құлап, өзі Ресейге қашып кеткеннен кейін елді Мұхаммед әл-Башир басқармақ, деп хабарлайды Orda.kz Азаттыққа сілтеме жасап. 

Бұл туралы 10 желтоқсанда телеүндеуінде әл-Баширдің өзі мәлімдеді. Ол уақытша үкіметті кемінде 2025 жылғы 1 наурызға дейін басқаратынын айтты. 

Мұхаммед әл-Башир көтерілісшілердің «Сирияны құтқару үкіметін» басқарған. Бұл құрылым Сирияның солтүстік-батысындағы аудандарды, соның ішінде Идлиб провинциясын да бақылауда ұстаған.

Мұхаммед әл-Баширді АҚШ пен өзге де мемлекеттер террористік деп таныған «Хайят Тахрир әш-Шам» тобының жетекшісі Әбу Мұхаммед әл-Жоланидің жақын серігі деп атайды. Сирия туралы хабарламаларда «Хайят Тахрир әш-Шам» Асадқа қарсы көтерілісті бастаған күш ретінде аталады.