«Басшылық міз бақпады»: Жаңаөзенде жұмысшылар ереуілге шықты
Фото: freepik.com
Жаңаөзенде «Бұрғылау жұмыстары басқармасының» жұмысшылары ереуілге шықты, деп хабарлайды Orda.kz.
Азаттықтың мәліметінше, ереуіл 12 қараша күні кешке басталған. «Бұрғылау жұмыстары басқармасы» (БЖБ) компаниясы «Өзенмұнайгазға» тиесілі екені белгілі болды. 13 қарашада «Өзенмұнайгазға» қарасты тағы үш мекеме БЖБ-ның талаптарын қолдап, жұмысқа шықпаған.
Жұмысшылар басшылыққа бес түрлі талап қойды. Олар басшылықтан ӨМГ зейнеткерлері мен денсаулығынан айырылған мұнайшылардың балаларын тікелей штатқа алуды, Жаңаөзен қаласында жұмыссыздық мәселесін шешуді, Ұжымдық шартта 2013 ;жылға дейін болған дербес еңбекақы төлеу жүйесін қайтаруды, машинистер мен операторлар дәрежесін көтеруді, 30% қосымша жалақы тәртібін төлеуді ұжымдық шартқа енгізуді талап етіп отыр. Жұмысшылар дербес еңбекақы төлеу жүйесіне өтсе, жалақыларының артатынын айтады.
«Мысалы бізден табыс салығын және өзге де салық түрлерін айлығымыздан ұстайды. Менің түсінігім бойынша, жаңа жүйеге өтсек, бізден оны ұстамайды. Бізден ұсталған салық біздің зейнетақы жүйесіне құйылады», - дейді наразылыққа шыққан жұмысшылардың бірі.
Жұмысшылардың мәліметінше, бір күн бұрын кешке БЖБ мекемесінің ереуілшілеріне «Өзенмұнайгаздың» бас директоры, кадр бөлімінің жетекшісі, бас экономист келген. Олар жұмысшыларға «талаптарың заңсыз» деп айтқан.
«Біз бұл талапты қойып келе жатқанымызға жеті ай болды, осы уақыт аралығында ештеңе өзгермеді. Бұған дейін біздің жігіттер тіпті Астанаға дейін барып, «ҚазМұнайгазға» жазбаша арызымызды тапсырып келген. ҚМГ-ның жаңа басшысы бұл талап дұрыс екенін айтқан», - дейді жұмысшы.
«Бұрғылау жұмыстары басқармасы» ереуіл бойынша біздің сұрақтарымызға әзірге жауап бермей отыр.
Жаңалықтар
- Жұмбақ өлім: «Баламды қасақана өлтірді» — Ерзаттың анасы
- Астана қаласының әкімі президентке іске асырылып жатқан жұмыстар мен болашақ жоспары туралы баяндады
- Түрікменстанда жаһандық және өңірлік қатерлерге қарсы іс-қимыл талқыланды
- Ұлттық банк Ермек Серкебаевтың 100 жылдығына арнап коллекциялық монеталар шығарады
- Қазақстан KazSat-тан айырылса Starlink-ке тәуелді болып қалуы мүмкін: Депутаттар дабыл қақты
- 71 млн теңгелік пәтер: Алмасбек Садырбай ісінде жаңа деректер шықты
- АХҚО сотының «Газпром» мен «Нафтогаз» ісі бойынша шешімі Қазақстан аумағында орындалмайды
- Қостанай облысында 14 жастағы жасөспірім бәстесіп суға секіріп, қаза тапты
- Венесуэлада 1300-ден астам тұтқын түрмені басып алды
- Ұрлықтың алдын алу шарасы күшейтілді: Фермерлерге арналған жағармай үш түске боялды
- Ақтау әуежайында асқазанына салмағы 1 келі болатын 114 капсула апиын жұтып, елге кірмек болған шетел азаматы ұсталды
- 27-29 мамыр күндері Владимир Путин мемлекеттік сапармен Қазақстанға келеді
- Елімізде қатерлі ісік пен сирек ауруларға қарсы дәрі шығарылады
- Астанадағы балалар ауруханасында өрт шықты: науқастар эвакуацияланды
- Атырау облысында жасөспірімдер екі қатарласын соққыға жықты
- Ресей шекарасы маңында белгісіз дрондар байқалды: БҚО тұрғындары алаңдаулы
- Қытай ғарыш тарихында жаңа миссия: «Шэньчжоу-23» ғарыш кемесі ұшырылды
- БҰҰ-ның Гаагадағы халықаралық соты ереуілге шығу құқығы туралы шешім шығарды
- ШҚО тұрғындары мен ұйымдарының коммуналдық қарызы 1,5 млрд теңгеден асқан
- ИРСК: Ормуз бұғазы арқылы бір тәулікте 35 кеме өтті
