Бассейн салам деп 130 млн астам қаржыны жымқырды

Қарағанды облысында бассейн салуға бөлінген бюджет қаражатын жымқырып, үкіметке 130 млн астам залал келтірген азамат ұсталды. 

Бұл туралы қаржылық мониторинг агенттігі хабарлады. 

Балалар спортын дамытуға арналған әлеуметтік маңызы бар нысан құрылысын бақылаған азамат құрықталды. Ол орындалған жұмыстардың жалған актілері бойынша жеткізілмеген құрылыс материалдары қаражатын өзіне қарасты кәсіпорынның шотына аударып отырған. Сондай-ақ бассейн құрылысына қатысы жоқ басқа да кәсіпорындардың атына қаражат аударған. 

Бұл жымқыру фактісі кешенді құрылысы-экономикалық соты мен экономикалық сот сараптамаларының қорытындысына сәйкес жүргізілген жұмыстар нәтижесінде анықталды.

Аталған азамат ұсталып, оған қатысты сот "үйқамаққа алу" шарасын қолданды. Қазіргі уақытта сотқа дейінгі тергеу жүргізілуде.