Башқұртстандағы наразылық акциясына қатысты ұсталған адам қайтыс болды

Уфада наразылық акциясы кезінде тәртіп сақшылары ұстаған ер адам қайтыс болды. Башқұртстанда Уфа тұрғыны Рифат Дәуітовты ОМОН алып кеткен соң қайтыс болды, деп хабарлайды Orda.kz.

Настоящее время басылымының хабарлауынша, Дәуітов қоғам қайраткері Фаил Алсынов ұсталған соң елде болған наразылық акцияларына қатысты деген күдікке ілінген.

Дәуітовтың әпкесі Залия Ахмадееваның айтуынша, ол мәйітті анықтау үшін мәйітханаға шақырылған. Марқұмның ата-анасына оның ішімдік ішіп, жүрегі тоқтап қалғаны айтылған. Бірақ Дәуітовтың туыстары оның ішімдік ішпегенін айтады.

Басылымның мәліметінше, ер адамды Новые Чебенки ауылына сүйіктісімен кездесуге келген кезде ОМОН қызметкерлері ұстаған.

Бірақ құқық қорғау органдары оны тауып алып, белгісіз бағытқа алып кеткен.

Дәуітовтың бұған дейін полицияға шақырылғаны, оған наразылық білдіріп, тәртіп бұзды деген айып тағылғаны белгілі. Алайда оның әпкесі інісінің митингке қатыспағанын және оның басталуына 20 минут қалғанда кетіп қалғанын алға тартады.

Бұған дейін Orda.kz Башқұртстанда (https://t.me/orda_kz/73467) башқұрт белсендісі Фаил Алсыновқа үкім шығарылған соң тәртіпсіздіктер басталғанын жазған болатын. Бұған дейін башқұрт белсендісін қолдап, бірнеше мың адам көшеге шықты.

Ресей үкіметі Алсыновты араздық қоздырды деп айыптады (https://t.me/orda_kz/73333). Алсыновқа айып тағылуына оның өткен жылдың сәуір айында алтын өндіруге қарсы митингіде сөйлеген сөзі себеп болған.