Бәсе YouTube арнасының авторлары Қазақстанда іздеуге жарияланды

Қазақстан билігі ерлі-зайыптылар Айдос пен Наталья Садықовты іздеуге жариялады.

Қазақстаннан кеткен белсенділер араздық қоздырды деген күдікке ілінді.

Бұл туралы Ішкі істер министрлігі ақпарат құқықтық статистика және арнайы есепке алу органдары порталында пайда болды.

«Аталған тұлғалар 2023 жылдың 23 қазанынан бастап соттың санкциясымен Қылмыстық кодекстің 174-бабы «Әлеуметтік, ұлттық, рулық, таптық немесе діни араздық қоздыру»  бойынша іздеуде» деп хабарлайды ІІМ баспасөз қызметі.

Қазақстанның батысындағы Ақтөбе қаласынан ерлі-зайыптылар 2014 жылы парламенттің экс-депутаты Марал Итеғұлов полицияға Натальяның үстінен арыз түсірген соң Киевке көшіп кеткен. Бұған экс-депутат жала деп санаған «Тендер бәріне жетпейді» деген мақала себеп болды.

Садықовтар Киевте жүргенде YouTube-тегі «Бәсе» арнасын құрды, онда олар Қазақстан үкіметін үнемі сынап отырады.

2020 жылдың 14 қарашасында Бәсе арнасы оппозициялық Демократиялық партия құру бастамасымен бірлесіп, Алматыда оппозицияның қатысуынсыз алдағы парламенттік сайлауға бойкот жариялауды және саяси тұтқындарды босатуды талап еткен митинг ұйымдастырды.

Садықовтар отбасы сұхбаттарында билік ауысқаннан кейін ғана Қазақстанға оралғысы келетінін мәлімдеген.