Бас прокуратура сайлау науқаны кезіндегі  заң бұзушылық  жауапкершілігін ескертті

Қазақстан Республикасы Бас Прокурорының орынбасары Жандос Өмірәлиев ОСК-на сайлау науқаны бірнеше заңмен реттелетінін және оларды бұзу тек әкімшілік емес, кейде қылмыстық жазаға да қауіп төндіретінін еске салу үшін келді.

Үгіт науқаны «Қазақстан Республикасындағы сайлау туралы» Заңмен нақты реттеледі. Әкімшілік жазалар мыналар үшін алынуы мүмкін:

• Тыйым салынған кезеңде сайлауалды үгіт-насихат жұмыстарын жүргізу – 102-бап, 15-тен 35 АЕК-ке дейін айыппұл;

• сайлауалды үгіт жүргізу құқығына кедергі жасау – 103-бап, 20-дан 50 АЕК мөлшерінде айыппұл;

• бұқаралық ақпарат құралдары арқылы сайлауалды үгіт жүргізу шарттарын бұзу – 112-бап, 20-дан 50 АЕК мөлшерінде айыппұл;

• жасырын үгіт материалдарын жасау немесе тарату -  ӘҚБтК 113 бабын бұзуға әкеп соғады, 25 АЕК айыппұл;

• үгіт материалдарын қасақана жою, бүлдіру – 114-бап, 15 АЕК көлемінде айыппұл;

• сайлауға байланысты қоғамдық пікірге сауалнама жүргізу шарттарын бұзу – 120-бап, 10-нан 30 АЕК мөлшерінде айыппұл;

• сайлау науқаны шарттарын бұзу – 122-бап, 20-дан 30 АЕК мөлшерінде айыппұл;

• үгіт материалдарын ескерткіштерге және тарихи, мәдени немесе сәулеттік құндылығы бар басқа да нысандарға, сондай-ақ сайлау учаскесіне орналастыру - 124-бап, 25 АЕК айыппұл;

• республикалық бюджеттен сайлау алдындағы үгіт жүргізуге бөлінген қаражатты жұмсау тәртібін бұзу – 125-бап, 5 АЕК мөлшерінде айыппұл салу.

Өмірәлиев 2019 жылы өткен кезектен тыс Президент сайлауы кезінде үгіт материалдарын қасақана бүлдіру және қоғамдық пікірге сауалнама жүргізу шарттарын бұзу сияқты сайлау науқанын өткізу шарттарын бұзу фактілері тіркелгенін атап өтті. Сол уақытта барлығы 37 заң бұзушылық анықталды.

Әкімшілік жауапкершілікпен қатар сайлау заңнамасын бұзғаны үшін қылмыстық жауапкершілік те қарастырылған.

Екінші құрам – сайлау құжаттарын бұрмалау немесе дауыстарды дұрыс санамау. Бұл үшін ҚР Қылмыстық кодексінің 151-бабы бойынша айыппұл, 4000 АЕК-ке дейінгі мөлшерде түзеу жұмыстары, шектеу немесе 4 жылға дейін бас бостандығынан айыру жазасы қарастырылған.

Осыған дейін Orda.kz сайты ел президенттігіне таласта кімдер қалғаны туралы жазған болатын.