Бас прокуратура  экс-қорғаныс министрі не үшін сотталып жатқанын түсіндірді

Әскери сотта бұрынғы Қорғаныс министрі Мұрат Бектановтың ісі бойынша тыңдау жалғасуда. Тергеу ол төтенше жағдай кезінде анық заңсыз бұйрықтар беріп, стратегиялық әскери нысандарды қорғаусыз қалдырған деп есептейді.

Бұрынғы қорғаныс министрі елдегі конституциялық құрылысты қалпына келтіру шараларын қолданбады, деп мәлімдеді Бас прокурор Берік Асылов Мәжілісте өткен жиында.

- Әскери сотта бұрынғы қорғаныс министрі Бектановтың ісі бойынша тыңдау жалғасуда. Тергеу ол төтенше жағдай кезінде анық заңсыз бұйрықтар беріп, стратегиялық әскери нысандарды қорғаусыз қалдырған деп есептейді. Бұрынғы қорғаныс министрі елдегі конституциялық тәртіпті қалпына келтіру шараларын қабылдаған жоқ, - деді Асылов.

Оның айтуынша, бүлікшілер, әсіресе Алматыда, сан жағынан орасан артықшылыққа ие болды, олар қоршауды бұзып өтіп, полиция мен Ұлттық ұланның күшін басып, халықты үрейлендірді.

- Нәтижесінде адамдар қылмыскерлердің қолынан қаза тапты, қалалар тоналды және өртенді. Сондықтан Бектановқа Қылмыстық кодекстің 451-бабының 3-бөлігі - ұрыс жағдайында қызмет бабын асыра пайдаланды деген айып тағылып отыр. Оның әрекетіне түпкілікті құқықтық баға мен жазалау шарасын сот анықтайды, - деді бас прокурор.

Еске салсақ, 18 қазанда Қорғаныс министрлігінің бұрынғы басшысына қатысты қылмыстық іс қылмыстық істер жөніндегі мамандандырылған ауданаралық әскери сотына жіберілген болатын. Бұрын хабарланғандай, Мұрат Бектанов 20 ақпанда ұсталған. Бастапқыда оған ҚР Қылмыстық кодексінің 452-бабы («Билік әрекетсіздігі») бойынша айып тағылды. 2022 жылдың мамырында, қамауға алынғаннан кейін төрт ай өткен соң Бас прокуратура істі жауынгерлік жағдайда «Билік әрекетсіздігі» санатынан «Билік шегінен шығуға» ауыстырды (Қазақстан Республикасы Қылмыстық кодексінің 451-бабы, 3-бөлігі). Бұл бап бойынша санкция 3 жылдан 15 жылға дейін бас бостандығынан айыруды қарастырады.

Мұрат Бектанов өз қызметінде көп отырған жоқ. Ол 2021 жылдың жазының соңында тағайындалды, ал 19 қаңтарда ол президенттің тиісті жарлығынан кейін қызметінен кетті.