Бас прокурордың орынбасары билікті күшпен басып алуға әрекеттенді

Қырғызстанда жаппай тәртіпсіздік ұйымдастыруға қатысы бар және билікті күшпен басып алмақшы болған күдіктілер ұсталды, деп хабарлайды Orda.kz.

Қырғызстан Ішкі істер министрлігінің мәліметінше, күдіктілер ұлттық спорт ойындарын өткіземіз деген желеумен әрекет еткен.

«Ұлттық спорттық ойындар өткізу сылтауымен олар зорлық-зомбылыққа шақырып, конституцияға қарсы ұрандар айтып, жергілікті кеңештің сайлауы өтетін күні, яғни 2024 жылдың 17 қарашасында елдегі жағдайды тұрақсыздандырып, билікті күшпен басып алуды жоспарлаған», – деп мәлімдеді Қырғызстанның Ішкі істер министрлігі.

Жедел-тергеу шаралары барысында топ мүшелері ұсталды. Ұсталған 7 адамның үшеуі шетел азаматтары болып шықты. Тінту кезінде қару-жарақ, оқ-дәрілер, дрондар мен есірткі табылған.

Ал негізгі ұйымдастырушы Бас прокурордың бұрынғы орынбасары болып шықты. Оның міндеті қаржылық қамтамасыз ету, құқық қорғау органдарымен байланыс орнату, әрекеттер туралы ақпарат беру, рөлдерді бөлу және жаппай тәртіпсіздік пен билікті басып алу кезіндегі әрекеттерді үйлестіру болған. Ұсталған 7 адам 10 қаңтарға дейін қамауға алынды.