Бас прокурор Асылов Бишімбаев ісіне қатысты пікір білдірді

Бас прокурор Берік Асылов ұлттық экономика экс-министрі Қаундық Бишімбаев ісіне қатысты пікір білдірді.

«Әйелдер мен балаларға қатысты қылмыстық әрекеттер әсіресе қоғамды алаңдатады. Жақында Астанада азамат Нүкенованың өлтірілуі интернет кеңістігін дүрліктірді. Тұрмыстық зорлық-зомбылықтан қорғауды күшейту туралы петицияға 150 мыңға жуық қазақстандық қол қойды» деді Асылов.

Естеріңізге сала кетейік, 9 қараша күні кешке әлеуметтік желіде экс-министр Қуандық Бишімбаевтың әйелі Салтанат Нүкенованы ұрып өлтіргені туралы хабарлама тараған болатын. Кейінірек бұрынғы министр әйелін ұрып өлтіргені үшін ұсталды. Бишімбаев ұсталғанға дейін өзін пышақтаймын деп қорқытқан. Кейін полиция атышулы іске қатысты сотқа дейінгі тергеу басталғанын хабарлады. 10 қарашада Ішкі істер министрлігі Бишімбаевтың әйелін ұрып өлтіргені үшін ұсталғанын растады.