Бас прокурор қаңтар қырғынына қатысты сауалдарға жауап берді

Парламент мәжілісінде жалпы отырыс өтіп, онда Қазақстанның бас прокуроры Берік Асылов 2022 жылғы қаңтардағы тәртіпсіздіктер туралы депутаттық сауалға жауап беріп жатыр.

Отырыс басында прокурор Қаңтар қырғынындағы видеоны көрсетіп, қазіргі уақытқа дейінгі белгілі болған ақпараттарды жария етті.

Сонымен қатар, екі полиция департаментінің және үш ҰҚК департаментінің, атап айтқанда Алматы қаласы, Алматы, Жамбыл және Қызылорда облыстарының басшылары қару сақталған ғимаратты тастап кеткен.

– Жеті қылмыстық іс қозғалды. Осы іс айналасындағы негізгі тергеу жұмыстары аяқталды. Алматы қалалық ҰҚК департаментінің бастығы Нұрлан Мәжитов тұтқындалды, - деді бас прокурор.

Айта кетейік, ұлттық қауіпсіздік генерал-майоры Нұрлан Мәжитов Алматы ҰҚК департаментінің бастығы болып жұмыс істеді. Қаладағы тәртіпсіздіктер кезінде ол ҰҚКД басшысы болды. 2022 жылдың 13 қаңтарында оның орнына Марат Иірменов тағайындалды.