Бас прокуратура Қайрат Қожамжаровтың қайда екенін білмейді

Бұрынғы бас прокурор Қайрат Қожамжаровтың Ресей азаматтығын алған-алмағаны әзірге белгісіз, деп хабарлайды Orda.kz.

Бұл сұраққа Бас прокурордың орынбасары Ғалымжан Қойгелдиев нақты жауап бере алмады.

«Қазір алдын ала тергеу жүріп жатыр. Нәтижесін күтейік, сол кезде бәрі белгілі болады. Оның қай жерде екені тергеу барысында анықталады», — деді ол журналистердің сұрағына жауап бере отырып.

Ал Қожамжаровтың бұрынғы серіктесі — Мақсат Дүйсенов қазіргі таңда экстрадиция шешіміне қатысты үкімді күтіп қамауда отыр.

«Мақсат Дүйсенов Германияда ұсталды. Экстрадициялау процесі басталды. Германия тарапынан бас тарту болған жоқ. Яғни, жұмыс жүргізіліп жатыр», — деді Қойгелдиев.

Айта кету керек, Қайрат Қожамжаровтың серігі Мақсат Дүйсенов Германиядан саяси баспана сұрағалы жатыр.