Бас прокуратура Еркін Әмірхановты экстрадициялау мәселесін шешеді

Қазақстан Бас прокуратурасы Қазақстан Эксимбанкінің директорлар кеңесінің бұрынғы мүшесі және ОАЭК бұрынғы президенті Еркін Әмірхановты экстрадициялау мәселесін шешуде.

Редакцияның сауалына департамент Еркін Әмірхановтың АҚШ-та екенін және Қазақстан Республикасы Ішкі істер министрлігінің Интерполы арқылы халықаралық іздеуге жарияланғаны туралы жауап берді.

«Қазіргі уақытта Еркін Әмірхановқа қатысты оны АҚШ-тан экстрадициялау туралы өтініш Бас прокуратураға келіп түсті және қаралуда» делінген хабарламада.

Бас прокуратура Әмірхановқа тағылған айыптың түпкілікті көлемі тергеу нәтижелері бойынша анықталатынын айтты.

Естеріңізге сала кетейік, Еркін Әмірханов ірі кәсіпкер. Ол 2017 жылы Forbes Kazakhstan нұсқасы бойынша ең бай 50 қазақстандықтың қатарына енді. Оның сол кездегі байлығы 135 миллион долларға бағаланған. Әмірхановқа «ЦАТЭК» АҚ  акцияларының 31%-ы тиесілі болды. Ол сондай-ақ «Қазақстан Эксимбанкі» АҚ, «ЦАТЭК» АҚ, «ОАЭК» АҚ директорлар кеңесінің мүшесі, «Павлодарэнерго» АҚ, «СевКазЭнерго» АҚ және «АЭСК» АҚ директорлар кеңесінің төрағасы қызметтерін атқарған.

Ол 2017 жылдың мамыр айында коммерциялық пара алды деген күдікпен қамауға алынған. Дереккөздердің хабарлауынша, «ЦАТЭК» АҚ акцияларын сатып алу-сату шарттарына қол қойылғаннан кейін және Эксимбанктің қарыздары бойынша келісімдер қабылданғаннан кейін арыз кері қайтарылып, іс тоқтатылған.