Бас прокуратура Бергей Рысқалиевтің неге ұсталмай жүргенін түсіндірді

Бас прокурордың орынбасары Әсет Шындалиев Лондонда жүрген Атырау облысының экс-әкімі Бергей Рысқалиевтің неге ұсталмай жатқанын айтты.

"Бергей Рысқалиевқа сырттай шығарылған сот үкімі бар. Өкінішке қарай, бізде Лондонмен сотталғандарды беру және алмасу туралы келісім жоқ. Біздің құқық қорғау органдары тиісті келісім болмаса, ештеңе істей алмайды", - деді Шындалиев.

Еске салайық, бұған дейін Атырау облысының бұрынғы әкімі Бергей Рысқалиев пен президент әкімшілігінің экс-басшысы Аслан Мусин Ұлыбритания астанасы Лондондағы Burberry киім дүкенінің алдында суретке түскенін жазған едік.

2019 жылы сот Рысқалиевті сырттай 17 жылға бас бостандығынан айырды. Аслан Мусин зейнетке шыққаннан кейін Черногория азаматтығын алып, Еуропада тұрады.

Бергей Рысқалиев 2006 жылы Атырау облысының әкімі қызметіне кірісіп, ұйымдасқан қылмыстық топ құрып, алғашқы күннен-ақ газдандыру, электрлендіру, сумен жабдықтау нысандарын салу, сондай-ақ тұрғын үйлерді салу кезінде ақша ұрлай бастаған. Ғимараттар, көпірлер, ағынды суларды тазарту қондырғылары және т.б. мемлекетке келтірілген жалпы шығын 72 млрд теңге болды.