Бас прокуратура қасіретті қаңтар кезінде мәйітханадан адам денесін ұрлаған ер адам туралы айтты

Мәйітханадан мәйіт ұрлады деген күдікке ілінген ер адам қамауға алынды, деп хабарлады Бас прокуратураның қылмыстық қудалау қызметі бастығының орынбасары Елдос Қылымжанов.

Оның айтуынша, кейбір интернет қолданушылары барлық мән-жайды білмей, қылмыстық іске қатысты өз пікірлерін ашық білдіріп жатады.

«Елімізге белгілі бір спортшының Facebook желісіндегі парақшасында М.-ға қатысты бұлтартпау шарасының негізсіз қолданылғаны туралы ақпарат жарияланды» деді Қылымжанов баспасөз мәслихатында.

Прокуратура өкілі істің мән-жайын айтып берді. Белгілі болғандай, ер адам Қызылордада полиция ғимаратына қарулы шабуыл жасады деген күдікке ілінген. Салдарынан ол полицейдің басынан ұрған.

«Атыс кезінде шабуыл жасағандардың бірі өлтірілді. Түнде М. полиция қызметкерлеріне қарсы шабуылға марқұмның қатысқанын жасыру үшін мәйітханаға кіріп, серіктесінің денесін ұрлап кеткен» деп жалғастырды Қылымжанов.

Мұндай күдіктілерге қатысты қамауға алу түріндегі бұлтартпау шарасы өзгертуге жатпайды.