Бас прокуратура алдында ер адам өз-өзін өртеп жіберді

cover Фото:Бейнеден кадр

Бішкектегі Бас прокуратура ғимаратының алдында ер адам өзін өртеп жіберді, деп хабарлайды Orda.kz.

Бұл туралы қырғызстандық белсенді Ырғалай Бекмұратова өзінің Facebook парақшасында жазды. Бекмұратованың айтуынша, өзін-өзі өртеп жіберген адам жылжымайтын мүлікпен байланысты әділетсіздікке наразы болған екен.

«Бұл менің көз алдымда болды. Ер адам Бас прокуратура ғимаратының жанында тұрды. Содан кейін ол өзіне қандай да бір сұйықтықты бөтелкеден құйып, мен оны шай деп ойладым. Кейін ол өзін өртеп жіберді», - деп жазды белсенді.

Posted by Ыргалай Бекмуратова on Sunday, January 19, 2025

Видеода ер адам өрттен жан айқайы шыққанын әрі қолдары қатты  зақымданғанын көруге болады. Оқиға орнында жедел жәрдем бригадасы жұмыс істеп жатыр.

Өткен жылдың желтоқсан айында ер адам Маңғыстау облысының әкімдігі алдында өзін өртеген болатын. 12 күннен кейін ол реанимацияда көз жұмды.

Жаңалықтар

барлық жаңалықтар