Бас прокуратура алаяқтардың жаңа «әдісі» туралы ескертті

ҚР Бас прокуратурасының Қылмыстық қауіп-қатерлерді болжау орталығы интернет-алаяқтықтың жаңа схемасы туралы ескертеді, деп хабарлайды Orda.kz ведомствоға сілтеме жасай отырып.

Енді, Бас прокуратураның мәліметінше, алаяқтар «әдіс-айласын» өзгерткен, енді құрбандар өздері байланысқа шығады.

Ведомство шетелдік дереккөздерге сілтеме жасады, олардың мәліметі бойынша алаяқтар жеткізу қызметтерінің, басқарушы компаниялардың және банктердің атынан хаттар мен SMS жібере отырып, шабуылдардың жаңа толқынын іске қосты.

«Авторизациялаудағы қателіктер», «домофонды ауыстыру» немесе «есептегіштерді тексеру» деген сылтаумен шабуылдаушылар адамдарды өздерін қайта шақыртуға мәжбүрлейді. Нәтижесінде ештеңеге күмәнданбайтын азаматтар әлеуметтік инженерия құралдарын пайдалану үшін кибер алаяқтарға өздері жағдай жасап береді» деп мәлімдеді қадағалау органы. 

Бас прокуратураның азаматтарға арналған ұсынымдары:

·        қырағылық танытуға, белгісіз кіріс хабарламалары мен қоңырауларға сын тұрғысынан қарауға;

·        ұйымдардың сайттарында көрсетілген ресми нөмірлерге ғана қайта қоңырау шалуға;

·        екі факторлы аутентификацияны пайдалануға;

·        банк карталарының деректерін, SMS-тегі бір реттік кодтар ме басқа да құпия ақпаратты үшінші тұлғаларға айтпауға;

Қазақстандықтарды қырағы болуға және киберқауіпсіздікті сақтауға шақырды.

Шілде айында Бас прокурор Берік Асылов депутаттық сауалға берген жауабында «Биылғы жылдың алғашқы 6 айында алаяқтықтың жалпы саны 0,7%-ға төмендеді (22 812-ден 22 644-ке дейін). Алайда интернет-алаяқтық 25%-ға артты (9 936-дан 12 390 жағдайға дейін)» деп мәлімдеді. 

Жыл басында Қасым-Жомарт Тоқаев та жаппай цифрландыру мемлекеттің жұмысын жеңілдеткенімен, алаяқтардың халықты алдап, ақша жымқыруына мол мүмкіндік беріп жатқанын айтты.