Бас прокуратура Абай облысындағы өртке қатысты қылмыстық істі сотқа жіберді

Бас прокуратура Абай облысындағы ірі орман өртіне қатысты қылмыстық істі сотқа жіберді.

Бұл туралы қадағалау органының баспасөз қызметі хабарлады.

«Бас прокуратура 2023 жылдың 27 қазанында Абай ауданындағы ірі орман өртіне қатысты қылмыстық істі аяқтап, сотқа жіберді» делінген хабарламада.

Абай облысындағы «Семей орманы» мемлекеттік орман табиғи резерваты» мемлекеттік мекемесіне қарасты Батпаев орман шаруашылығында ірі табиғи өрт 6 маусымда басталды.

«Өрт салдарынан 60 мың гектардан астам орман қоры жойылды. «Семей Орманы» қорығының Новошульбі филиалының 14 жұмысшысы қаза тапты. Тергеу барысында өрттің шығу себебі қылқан жапырақты ағаштың діңіне найзағайдың түсуі кезіндегі құраған ағаштардың тұтануы екені анықталды. Бұл нұсқа сарапшылардың, мамандардың қорытындыларыме сурет/бейнематериалдармен, куәлардың айғақтарымен және басқа да іс материалдарымен расталады» деп хабарлады мекеме.

Сонымен бірге, Бас прокуратура өрт кезінде «Семей-Орман» қорығы мен Новошульбі бөлімшесінің басшылығы өрт сөндіруді ұйымдастыру бойынша заңмен берілген өкілеттіктерді орындамағанын, жағдайды дұрыс бағаламағанын және 14 адамның өліміне әкеп соқтырған өртті сөндіру кезінде қауіпсіздік шараларын сақтауды қамтамасыз етпегенін алға тартты.