Бас мүфти қазақстандық кәсіпкерлерге үндеу жасады

Қазақстанның Бас мүфтиі Наурызбай қажы Тағанұлы кәсіпкерлер мен сауда орталықтарының басшыларын қасиетті Рамазан айында азық-түлік бағасын 10%-ға дейін төмендетуге шақырды.

– Игі амалдар бірнеше есе болып қайтарылады. Қасиетті Рамазан айында дүкендерде алкоголь сатпауға және тұтынбауға тырысыңыздар. Сондай-ақ мүмкіндігінше ауыз ашу рәсімінде құдайы астар өткізіңіздер, – деп кеңес берді Наурызбай қажы Тағанұлы ОКҚ брифингінде.

Орталық мешіттің наиб-имамы осы айда сауапты істер жасап, жекелей алғанда, мүмкіндігінше халыққа жеңілдіктер жасауға шақырды. Биыл Рамазан наурыздың 23-де басталады. Биылғы пітір-садақаның мөлшері бір адамға 535 теңге болды.