Бас мүфти Құрбан шалу рәсіміне қатысты

Бүгін, қасиетті Құрбан айт мейрамының алғашқы күні Бас мүфти Наурызбай қажы Тағанұлы елордадағы құрбан шалу рәсіміне қатысты.

Қала сыртындағы «Алтай» шаруашылық қожалығына арнайы барған Бас мүфти сол жердегі жұмыс тобының қызметкерлерімен жүздесіп, құрбан шалу рәсімінің жай-күйімен жете танысты.

Қазақстан мұсылмандары діни басқармасының бастамасымен биылғы жылы да онлайн құрбан шалуға және өтініш беруге арналған Qurban2021.kz сайты іске қосылды.

 Аталмыш жоба аясында ҚМДБ Нұр-Сұлтан өкілдігіне қала бойынша құрбан шалуға арналған төрт нысан бекітілген еді.

Бас мүфти Наурызбай қажы Тағанұлы тілшілер қауымына берген сұхбатында осы жоба бойынша толыққанды ақпарат беріп, Qurban2021.kz  сайты арқылы тапсырыс бергендердің құрбандықтары қалай сойылғандығы жөнінде видео есеп беріліп жатқанын айтты.

 Сонымен қатар, жергілікті еріктіліердің көмегімен құрбандық еттері бірден мұқтаж отбасылардың үйлеріне жеткізілетінін де  атап өтті.