«Басқа қалаға қашып кеткен»: Өскеменде сегізінші сынып оқитын қыз тұрмысқа шықты

Өскеменде сегізінші сынып оқитын қыз күйеуімен әлеуметтік желі арқылы танысқан. Бұл соңғы жылдары балалардың қашып кетуі бойынша алғашқы жағдай емес.

Бұл туралы Orda.kz хабарлайды.

ШҚО полиция қызметкерлері мектеп оқушысының жоғалып кетуі туралы айтып берді. Белгілі болғандай, оқушы қыз басқа қалада тұратын ғашығына қашып кеткен. Оқиға Өскеменде болған. 1 қыркүйекте 48 жастағы әйел қалалық полиция бөліміне жоғалған қызы туралы арыз жазады.

Сегізінші сынып оқушысы 2021 жылдың маусым айының соңында үйден кеткені белгілі болды. Содан анасы қызын Алматыдан тауып, үйіне қайтады. Кетер алдында олар жанармай бекетіне тоқтайды, сол жерден қыз қайтадан қашып кеткен. 19 қыркүйек күні полиция қызметкерлері Алматыдан жасөспірім қызды тауып алады. Ол тәртіп сақшыларына Алматыда тұрғысы келетіндіктен үйден өз еркімен кеткенін айтқан.

Бұл алғашқы да, соңғы да жағдай емес. Ағымдағы жылдың 12 қыркүйегінде 49 жастағы әйел Семей қаласының полиция бөліміне жүгініп, 14 жастағы қызын табуға көмек сұраған.

Оқушының қайда екені тек 15 қыркүйекте анықталды. Бақытымызға орай, қыз тірі болған. Қыздың сүйіктісі үшін Павлодарға барғаны анықталды.

Қыз ВКонтакте әлеуметтік желісінде басқа қаланың жігітімен танысып, онымен кездесу үшін үйден қашып кетуді шешкен. Мектеп оқушысы тәртіп сақшыларына ата-анасымен бірге тұрғысы келмегендіктен, үйден өз еркімен кеткенін айтты.

Полиция мұндай жағдайлардың алдын алу үшін ата-аналарға балаларымен жиі сөйлесуге кеңес береді.