«Бәрін нөлден бастау керек»: Нұрлан Байбазаров ұсынысқа жауап берді

Үкімет басшысының орынбасары – ұлттық экономика министрі Нұрлан Байбазаров елдегі ресми статистика туралы сұраққа өз жауабын берді, деп хабарлайды Orda.kz порталы.

Байбазаровқа бұл сұрақ үкіметтің баспасөз мәслихатында қойылған болатын. Министр бұл мәселені ауыл шаруашылығы министрі де көтергенін айтты.

«Әрине, бізге обьективті дереккөз керек. Экономиканың барлық есебі, жалпы ішкі өнім есебі сол статистикалық деректерден құрылады. Сондықтан бұл біз үшін өзекті мәселе. Салада жұмыс жүргізіліп жатыр. Президент әкімшілігі жанында арнайы бюро бар. Олар да қазір жұмыс істеп жатыр. Ауыл шаруашылығы министрі де айтып өткен болатын. Бұл жерде артық жазу тенденциясымен белсенді түрде күрес жүргізіліледі», - деді вице-премьер. 

Сондай-ақ Байбазаров бәрін нөлден бастау керек екенін тілге тиек етті.

«Бұл жерде статистика мен дерек көздерінің нақтылығын қарау керек. Оның өз әдістемесі бар», - дейді министр.