Бақытгүл Хаменова сот үкіміне аппеляциялық шағым түсірді

Жеті жылға сотталған Атырау облысы әкімінің бұрынғы орынбасары Бақытгүл Хаменова аппеляциялық шағым түсірді.

Облыстық соттың баспасөз қызметі Orda.kz сайтына бұл ақпаратты растап, бұрынғы мәдениет басқармасының басшысы Ақылбек Рысқалиев пен кәсіпкер Өміртай Адамовтың да үкіміне апелляциялық шағым түсіргенін айтты.

- Атырау қаласының №2 сотына Хаменова, Адамов және Рысқалиевтен, сондай-ақ олардың адвокаттарынан апелляциялық шағым түсті, - деп хабарлады сот.

Еске салсақ, Хаменова 7 жылға бас бостандығынан айырылды, бірақ кәмелетке толмаған екі баласының болуына байланысты үкімнің орындалуы 3 жылға кейінге қалдырылды. Сот үкімімен А.Рысқалиев 7 жылға, У. Адамов 4 жылға бас бостандығынан айырылды.