Баннердегі бетперде таққан қыз әкімдіктен миллион сұрады

Алматы баннерлеріндегі бетперде таққан қыздың суреті өзінікі екенін айтып, қазақстандық әйел әкімдіктегілер суретін рұқсатсыз қолданғанына шағымданды.

Самал Омарова коронавирусқа қарсы насихатта суретін рұқсатсыз пайдаланған Алматы әкімдігінен қаржы талап етті, деп хабарлайды ORDA. «Информбюро» агенттігіне  сілтеме жасап. 

Бетперде киген қыздың суреті COVID-19-ға қарсы науқанның символына айналып, қазірдің өзінде қаланың барлық жерінде тұр. Бұл сурет алғаш былтыр көктемде Алматы баннерлерінде пайда болған.

Былтыр Алматы әкімдігі суретті интернеттен алғандарын және  баннерлерде бейнелеген филиппиндік қыз деп мәлімдеген болатын.

Бірақ Алматы облысының тұрғыны, қазақстандық Самал Омарова бұл сурет өзінікі екенін айтады. Оның айтуынша суретін біреу рұқсатсыз пайдаланған. Самал Алматы облысының Жаңашыр ауылының тұрғыны. Сүт зауытында лаборант болып жұмыс істейді, үш қыздың анасы.

Самал өзін кім және қашан түсіргенін білмейді. Ол жазда дәл осылай банкке барғанын, сол кезде жасырын камералар арқылы суретке түсіруі мүмкін екенін болжайды. Самал өзінің бейнесін пайдаланғаны үшін ақы алуға құқылы екенін жеткізді.

Ол жарнама агенттігіне хат жазған, агенттік келіншекті әкімшілікке жөнелткен.

«Менің суретім барлық жерде ілінгеніне қуаныштымын. Жарнама үшін алты миллион берілген. Соның ең болмағанда бір миллионын маған берсін», - дейді келіншек. 

Фотограф-дизайнер Максим Леонидов мұндай суреттерді кез-келген камерамен емес, тек сапалы құрылғы арқылы түсіруге болатынын айтты. 

«Мұндай кең форматта қолдануға болатын суретті банкте түсіре салу мүмкін емес. Оған қоса адамды байқатпай суретке түсірді деген шындыққа жанаспайды. Шынымен көздері ұқсайды. Бірақ бізде филиппиндік модельдің фотосессиясы бар. Тіпті маскасыз суреттерін де көрсеңіздер болады», - дейді ол.

Алматы әкімдігі болса суретті дүниежүзілік тегін фотосуреттер банкінен алғандарын айтты.