Банктер су тасқынынан зардап шеккендерге қол ұшын созбақ

Қазақстандық банктер су тасқынынан зардап шеккендерге қаржылай көмектеспек, деп хабарлайды Orda.kz порталы.

Ақпаратты Қазақстан қаржыгерлер қауымдастығы растады.

«Екінші деңгейлі банктер су тасқыны салдарын жоюға және төтенше жағдайдан зардап шеккен тұрғындарға, сондай-ақ кәсіпкерлерге қолдау көрсетуге арналған шұғыл шараларды қолдайды» делінген хабарламада.

Отандық банктер 1 сәуірден 30 маусымға дейін жергілікті органдар берген тізім бойынша су тасқынынан зардап шеккен қарыз алушылардың кредит төлеу мерзімін ұзартпақшы. Сондай-ақ қаржылық жағдайы нашарлаған қарыз алушыларға төлемді уақтылы төлемегені үшін айыппұл мен өсімпұл есептелмейтіні айтылды.