Банктер борышкерлерді жалғыз баспанасынан айырмайтын болды

Енді әлеуметтік аз қамтылған борышкерлер ипотека қарызы үшін жалғыз баспанасынан шығарылмайды. Осындай  меморандумға ҚР Қаржы нарығын реттеу және дамыту агенттігі мен Алматы қаласының әкімдігі қол қойды.

Қаржы нарығын реттеу және дамыту агенттігі, Алматы әкімдігі, Банк омбудсмені, банктер және қоғамдық бірлестіктер арасында халықтың әлеуметтік осал топтарына жататын борышкерлердің ипотекалық қарызы үшін жалғыз тұрғын үйін алып қою және жалғыз баспанасынан шығару шараларын тоқтата тұруды көздейтін өзара түсіністік пен ынтымақтастық туралы меморандумға қол қойылды.

Мамандар осы меморандум жобасымен маусым айынан бері жұмыс істеп жатыр. Әзірге меморандумға  Алматы қаласының әкімдігі ғана қол қойды. Негізінен бұл  шара кейін бүкіл республиканы қамтуы тиіс. 

Құжат қол қойылған күнінен бастап 12 ай бойы күшінде болады.