Банкте қарызы бар қазақстандықтар енді несие ала алмайды

Банкке берешегі бар қазақстандықтар несие рәсімдей алмайды. Ел президенті Қасым-Жомарт Тоқаев тиісті заңға қол қойды.

Ақорданың хабарлауынша, «Қазақстан Республикасының кейбір заңнамалық актілеріне сақтандыру нарығын және бағалы қағаздар нарығын реттеу мен дамыту, банк қызметі мәселелері бойынша өзгерістер мен толықтырулар енгізу туралы» заңына өзгерістер енгізілген.

• Жаңа заң бойынша басында несиесі бар қазақстандықтар қарыз ала алмайды.
• Сонымен қатар, несие бюросына берілген қарыз жайлы ақпаратты жеткізу уақыты 15 жұмыс күнінен 1 жұмыс күніне дейін қысқарады.
• Микрокредит бойынша сыйақының шекті мөлшері мен айыпақы көлемі шектеледі.

«Микрокредиттік ұйымдарға қарыз азаматтардың жүктемесін қысқарту үшін микрокредит бойынша артық төлемді екі есеге - микронесие сомасынан 100-ден 50 пайызға қысқарту ұсынылады» деді ҚР Қаржы нарығын реттеу және дамыту агенттігінің төрайымы Мәдина Әбілқасымова.