Банк қызметкері Түркістан облысы тұрғындарына 21 миллион теңге несие рәсімдеген

Қазығұрт аудандық полициясына бір топ жергілікті тұрғындар хабарласқан. Жәбірленушілердің айтуынша, олардың атына белгісіз біреу несие рәсімдеген. Аталған факті «Алаяқтық» бабы бойынша тіркелді, деп хабарлайды Polisia.kz.

Күдікті 31 жастағы ер адам болып шықты, ол банк қызметкері бола тұра клиенттердің құжаттарын пайдаланып, 70 мыңнан 1 миллион теңгеге дейін несие берген.

«Ер адам 47 адамды алдады деген күдікке ілінді. Келтірілген жалпы шығын шамамен 21 миллион теңге болды. Қазіргі уақытта күдікті қамауға алынды. Сотқа дейінгі тергеу амалдары жүргізілуде» деп хабарлады ІІМ.