Банк Центр Кредит стартаптарға несие беруден бас тартты

Центр Кредит Банкі бастапқы несие беруді тоқтатты. Банктің мәліметінше, несие алуға өтініш беру үшін енді соңғы 12 айдағы айналымды қамтамасыз ету қажет.

Бұл туралы Orda.kz хабарлады.

Банк Центр Кредит стартаптарға, яғни әлі іске қосылмаған және жұмыс істемейтін кәсіпорындарға несие бермейді. Банктік несиеге өтініш беру үшін сіз нарықта кемінде бір жыл жұмыс істеген болуыңыз керек. Соңғы 12 айда қаржылық айналым туралы құжаттарсыз өтінім қабылданбайды.

Стартап - жаңадан ашылған жоба не компания.

Orda.kz редакциясы банктен мұндай өзгерістің Ақбұлақтағы атысқа қатысы бар ма деп сұрады. Олар бұл банктің жеке бағдарламасы емес, «Даму» мемлекеттік қорының талабы екенін алға тартты.

Стартаптарға несие беруден бас тарту туралы шешім қайғылы оқиғадан төрт күн өткен соң қабылданды. 54 жастағы алматылық Игорь Дужнов соттың үйден шығарып жіберу туралы шешімін орындауға тиіс сот орындаушыларына оқ жаудырды. 2011 жылы ол Центр Кредит Банкінен 121 млн теңге көлемінде (бағам бойынша 600 мың доллар) несие алды. Ол қарызға алған ақшамен кәсібін, атап айтқанда сұлулық салонын дамытпақ болған. Алайда, мәміле сәтсіз болды.

Еске салсақ, бұған дейін кейбір қазақстандық банктер проблемалы борышкерлердің наразылығы себепті ипотекалық несиеден бас тартқан.