Балықты заңсыз саудалағандарға сот үкімі шықты

«Көксерке еті» заңсыз экспортталған балық өнімдерінің жалпы құны 210 миллион теңге болды.

Бұл туралы Алматы облысы Қонаев қаласы сотының баспасөз қызметі хабарлады.

2021 жылдың қазаны мен 2022 жылдың қыркүйегі аралығында компания басшысы азамат И. браконьерден заңсыз ауланған балық сатып алып, Еуропалық Одақтың әр түрлі елдеріне экспорттаған. 

Экспортқа рұқсат алу үшін жасанды көксерке өсіруге мүмкіндігі жоқ шаруа қожалығында балықтың шығу тегі туралы жалған құжаттарды пайдаланды.

«26 шілде сот үкімімен азамат И-ге ҚК-ің 234-бабы 2-бөлігінің 4-тармағымен кінәлі деп танылып, 210 млн теңге кедендік төлемдерді мемлекет кірісіне өндіре отырып, оған бір мың айлық есептік көрсеткіш мөлшерінде айыппұл жазасы тағайындалды» деп хабарлады сот.

Үкім заңды күшіне енген жоқ.