«Балтамен қаруланған оқушы» ісі: Петропавл соты үкім шығарды

Петропавлда мектеп оқушыларына балтамен шабуыл жасаған жасөспірімге қатысты сот үкімі шықты, деп хабарлайды Orda.kz.

Мәселе қылмыстық істер жөніндегі мамандандырылған ауданаралық сотында қаралды.

Биыл ақпан айында Петропавлда жан түршігерлік оқиға болды. №4 мектептің оқушысы мектепке балта мен пышақ әкеліп, 9 және 10-сыныптың үш оқушысына шабуыл жасап, оларды жарақаттаған. Оқушылар оны тойтарып үлгерді.

Сотталушы алты жыл тоғыз айға бас бостандығынан айырылды. Ол жазасын орташа қауіпсіздік мекемесінде өтейтін болды.

Сот шешімі әлі заңды күшіне енген жоқ.