Балқаш қаласындағы балабақша күтушісінің үстінен шағым түсті

Балқашта түзету тобының ата-анасы «Ертөстік» балалар мекемесінің күтушісінің үстінен шағым түсірді, деп хабарлайды «Вечерняя Караганда».

Күтуші балаларды келемеждеп, олардың қолдарын пышақ сабымен, сондай-ақ шөмішпен және жұдырықпен ұрып, шаштарын жұлды.

«Сонымен қатар, күтуші санитарлық нормаларды ойламаған, әйел үстелді шүберекпен сүрткен, содан кейін сол шүберекпен балалардың аузын сүрткен. Ал еденді лас қолмен жуғаннан кейін, ол тамақ ішуге арналған ыдыстарды алды. Дәлел ретінде ата-аналар камера бейнежазбаларын көрсетті» делінген хабарламада.

Полиция департаменті балабақша қызметкеріне қатысты 110-бап «Азаптау» бойынша қылмыстық іс қозғалғанын түсіндірді.

Мекеме мен білім бөлімінде тексеру басталды.