«Балмұздақ беріп қоқыс жинатты»: Балалар 4,5 мың бөтелке жинады

Қарағанды облысы Қарқаралы қалашығында балалар көшелерде тасталған пластик және шыны бөтелкелерді жинауға жаппай кірісті. Олар еңбегі үшін балмұздаққа талон алды.

Бұл туралы «Вечерняя Караганда» газеті хабарлады.

Балалардың ынтасын оятқан жергілікті билік өкілдерінің қоқысты «балмұздаққа айырбастау» акциясы болды. Балалар қабылдау пунктіне 4,5 мыңнан астам бөтелке алып келіп, орнына сүйікті тәттілеріне талон алды.

Бұл акция тек қаланы тазартуға ғана емес, балаларды қоршаған ортаға ұқыпты қарауға үйретті.