Балконнан оқ атты: Алматыда Атырау облысының тұрғыны ұсталды

Әлеуметтік желіде Алматыдағы тұрғын үй кешендерінің бірінің балконынан белгісіз ер адамның оқ жаудырғаны туралы ақпарат тарады.

Полиция департаментінің баспасөз қызметі ақпаратты растап, қылмыс жасады деген күдікпен 23 жастағы Атырау облысы тұрғынының ұсталғанын хабарлады. Тінту кезінде одан үш патрондары бар дабылды тапанша тәркіленді.

«Тұрғын үй кешендерінің бірінің балконында ер адам тапаншадан аспанға екі рет оқ атқан. Оның әрекетіне құқықтық баға беріледі» деді полиция.