Балқашта көк түтінге оранған пәтерден ерлі-зайыпты дәрігерлердің денесі табылды

Ерлі-зайыпты Наталья Шерстова мен Юрий Шерстовтың денесі көк түтінге оранған үйінен табылды, деп хабарлайды Orda.kz Патриотқа сілтеме жасап. 

Қайғылы оқиға 24 қыркүйек күні түсте болған. Марқұмдардың туыстары өрт сөндіру бөліміне қоңырау шалып, үйді түтін басқанын айтқан. Өрт сөндірушілер үйден әйел мен ер адамның денесін алып шықты. Әйел — психиатр, ал оның күйеуі спорт дәрігері болып қызмет еткен. 

Өрт зертханасының мамандары өрттің неден пайда болғанын анықтап жатыр.

Айта кетейік, 25 қыркүйекке қараған түні Алматыдағы Алатау ауданындағы Солтүстік айналым шағын ауданында сауда базарының аумағында тез жасалатын тағам дүңгіршегі өртеніп, от металл контейнеріне ауысып, 50 шаршы метр жерді өрт шарпыды.