Балқашта бала зорлады деген күдікпен 40 жастағы ер адам ұсталды

Полицияның мәліметінше, қазанның 3-і күні бөлімге Балқаш ауданының тұрғыны хабарласып, ауылдасының кішкентай қызына қатысты сексуалдық сипаттағы әрекеттер жасағанын хабарлаған.

«Облыстық және аудандық полиция қызметкерлерінен дереу арнайы жедел-тергеу тобы құрылды. Жедел қызметкерлер қылмыс жасады деген күдікпен 40 жастағы ер адамды анықтап, ұстады» делінген хабарламада.

Қылмыстық кодекстің 120-бабының 4-бөлігі «Кәмелетке толмаған баланы зорлау» бойынша сотқа дейінгі тергеу амалдары жүргізілуде.

Қылмыстық фактінінің толықтығын, жан-жақтылығын және объективтілігін қамтамасыз ететін сараптамалық тексерулер тағайындау арқылы барлық қажетті тергеу әрекеттері жүргізіледі.