Бали жағалауында кеме суға кетіп, 40-тан астам адам із-түзсіз жоғалды

Индонезияда Бали аралының жағалауында жолаушыларды таситын кеме суға кетіп, 40-тан астам адам із-түзсіз жоғалды, деп хабарлайды Orda.kz.

Кеме теңізге шыққаннан кейін шамамен 25 минуттан соң суға батқан.

Оқиға өткен түні болған. Деректерге қарасақ, кемедегі 65 адамның 53-і жолаушы мен 12 адам экипаж мүшесі болған. Сондай-ақ паром 22 автокөлікті, оның ішінде 14 жүк көлігін тасымалдап келе жатқан.

Төрт жолаушы өз күшімен әупірімдеп жүріп аман қалған. Оларды қайықтан тауып алған. Құтқарушылар тағы 20 адамды құтқарып үлгерді. Алайда олардың көбі бірнеше сағат бойы суда қалқып, қалжырап, ес-түссіз  болған. Сонымен қатар екі адамның мәйіті табылды.

Қазіргі таңда 43 адам із-түзсіз жоғалғандар қатарында тұр.

Еске сала кетсек, Orda.kz редакциясына Аралдағы мәселелерді көтеріп жүрген белсенділердің бірі Жомарт Қартбайұлы жүгініп, Аралдың экологиялық мәселелерімен қатар Арал тұрғындарының әлеуметтік қиындықтары жайлы айтты. Редакция тілшілері сол Аралға өз аяғымен барып, ауыл-ауылдарды аралап, бірнеше күн бойы халықтың жағдайын өз көзімен көріп, білді. Бір кезде Қазақстанда тұз өндіріп аты шыққан аймақтың қалайша жұмыссыздық, әділетсіздік пен экологиялық апат жайлаған мекенге айналғаны жайлы материалымыздан оқыңыз.