«Баласы қоқыстан граната тапқан»: Бір отбасы түгел мерт болды

Жарылыс салдарынан бір отбасы түгел мерт болды, деп хабарлайды Orda.kz. 

Қайғылы оқиға Әзірбайжанның Хиндарх ауылында болған. 

Жергілікті БАҚ-тың мәліметінше, кішкентай бала қоқыстан граната тауып, оны үйіне алып келген. Бала жарылғыш затты отбасы мүшелеріне берген сәтте граната іске қосылып, жойқын жарылыс болды. 

Аудандық прокуратураның мәліметінше, оқиға салдарынан бес адам қаза тауып, тағы екі адам жарақат алған. Қаза тапқандардың үшеуі – бала.

Әзірбайжанның бас прокуратурасы бұл оқиғаға байланысты қылмыстық іс қозғап, тергеу амалдарын бастады. Құқық қорғау органдары жарылғыш заттың ауылға қалай жеткенін анықтау жұмыстарын жүргізуде. Оқиғаның толық мән-жайы анықталып жатыр.