Балқаш-Приозерск тас жолында болған апаттан 9 адам қаза тапты

Қайғылы оқиға бүгін – 19 тамызда таңғы сағат алтылар шамасында болған. Полицияның мәліметінше, Гүлшат ауылынан 5 шақырым жерде Toyota Camry 70 және Honda Odyssey көліктері соқтығысқан.

19 тамыз күні таңғы сағат 6:00-де Балқаш – Приозерск жолында Гүлшат ауылынан 5 шақырым жерде Toyota Camry 70 және Honda Odyssey көліктерінің қатысуымен жол-көлік оқиғасы орын алды. Апат салдарынан 9 адам оқиға орнында көз жұмды. Бір жолаушы медициналық мекемеге жеткізілді, деп хабарлады Балқаш қалалық ІІБ бастығы Айткен Кадрин.

Аталған факті бойынша сотқа дейінгі тергеу басталды. Тиісті сараптамалар тағайындалды.