Бала отырған арбаны қағып кеткен курьер түсініктеме берді

Алматыда бала отырған арбаны қағып кеткен курьер оқиға орнынан қашып кеткен. Бүгін мопед жүргізушісі ұсталды. Бұл туралы Orda.kz. Алматы полиция департаментіне сілтеме жасап хабарлады.

Анықталғандай, жүргізуші 1983 жылы туған Алматы қаласының тұрғыны.

– Іздеу бөлімінің қызметкерлері мопед жүргізушісін ұстады. Ер адам өзінің іс-әрекетін жазадан қорқып кетіп қалғанмын деп түсіндірді. Ұсталған адам Алмалы ауданының полиция басқармасына жеткізілді, - деді Манап Саттаров, Алматы қаласы жергілікті полиция бөлімінің бастығы.

Еске салсақ, жол-көлік оқиғасы 16 наурызда сағат 13.20 шамасында орын алған. Төле би даңғылында мопед жүргізушісі үш айлық сәбиімен арбаны қағып кеткен. Сәби соқтығысу салдарынан жарақат алып, балалар ауруханасына жеткізілген.