«Балаларға арналған ұлттық қор» жобасы заңнамалық түрде бекітілді

Қазақстан президенті Қасым-Жомарт Тоқаев «Балаларға арналған ұлттық қор» жобасын заң жүзінде бекітті.

Бұл туралы Ақорда хабарлады.

«Мемлекет басшысы «Қазақстан Республикасының кейбір заңнамалық актілеріне Қазақстан Республикасының Ұлттық қорынан балаларға ақшалай қаражат есептеу, оларды төлеу және пайдалану мәселелері бойынша өзгерістер мен толықтырулар енгізу туралы» Қазақстан Республикасы Заңына қол қойды» делінген хабарламада.

Заңның арқасында 2024 жылдың 1 қаңтарынан бастап Қазақстанда Ұлттық қордың жылдық инвестициялық кірісінің 50 пайызын балалар жасқа толғанға дейін мерзімінен бұрын бас тарту құқығынсыз, кейіннен тұрғын үй сатып алу және білім алу үшін пайдалану мүмкіндігімен 18 жасқа толғанға дейін арнайы жинақ шоттарына шегеруді көздейтін «Балаларға арналған ұлттық қор» жобасы қолданысқа енеді.