Балаларды тамақтандыруға арналған 35 миллион теңге ұрланды

Бес балабақша меңгерушісі мен олардың сыбайласы балаларды тамақтандыруға арналған қаражатты ұрлағаны үшін кінәлі деп танылды.

Бұл туралы Астана прокуратурасы хабарлады.

Балабақшалардың директорлары азық-түлік тауарларын сатып алуға өтінім беріп, көлемін жоғарылатып, жеткізушімен сөз байласып, жеткізілім туралы жалған мәліметтер енгізген. Істің бастамашысы және ұйымдастырушысы бұрын сотталған жеткізуші болды.

Прокурор олардың кінәсін дәлелдейтін барлық дәлелдерді келтірді. Сот басшыларды 2-3 жылға бас бостандығын шектеуге, пробациялық бақылауға, мәжбүрлі жұмысқа тартуға және мемлекеттік қызметте лауазымдарды атқаруға өмір бойына тыйым салуға үкім шығарды.

Шартты соттылығы бар сыбайлас 4 жылға бас бостандығынан айырылды.

35 миллион теңгеден астам ұрланған қаражаттың барлығы бюджетке қайтарылды. Үкім заңды күшіне енді.