Балалар үйінің тәрбиеленушілерін күштеп вакциналап жатыр: министрлік жауабы

«Балалар үйінің тәрбиеленушілеріне COVID-19-ға қарсы мәжбүрлі екпе жасалып қойған» делінген хабарлама желіде тарады. Алайда ҚР Денсаулық сақтау министрлігі бұл ақпаратты жоққа шығарды.

Денсаулық сақтау министрлігі балалар үйіндегі балаларды, сондай-ақ елдегі барлық басқа балаларды COVID-19-ға қарсы вакциналау ерікті екенін түсіндірді.

«Вакциналау балалардың ресми өкілдерінің жазбаша келісімімен ғана жүзеге асырылады. Балалар үйіндегі балалар үшін COVID-19-ға қарсы міндетті 100% вакциналау жоқ» деді ҚР Денсаулық сақтау министрлігінің баспасөз қызметі.