«Балалар хлордан уланды»: Атырауда аквапарк директоры үй қамаққа алынды

Атырауда балалар жаппай хлордан уланған аквапарк басшысы үй қамаққа алынды. Төтенше жағдай салдарынан 15-тен астам адам зардап шекті, деп хабарлайды Orda.kz.

Оқиға 13 шілде күні Атыраудағы белді демалыс орындарының бірінде болды. Дәрігерлердің айтуынша, 15-тен астам адам зардап шеккен, олардың көбі балалар. Уланғандардың үшеуі ауыр жағдайда жансақтау бөліміне жатқызылды. 

Куәгерлердің айтуынша, суда хлордың иісі күрт артып, бассейндегі судың түсі өзгеріп кеткен. Кенет балалар жөтеліп, есінен тана бастаған. Ата-аналар дереу жедел жәрдем шақырған. Аквапарк иесі техникалық ақау болғанын мойындады. Оқиғадан кейін нысан уақытша жабылды. Прокуратура тексеру жүргізіп жатыр.

Айта кетейік, халықаралық лотос фестивалі Атырау облысында өтеді.