Балалар ауруханасынан 100 млн теңгеден астам ақша жымқырған есепші сотталды

Талдықорғанда бюджеттік 109 млн теңгені құмар ойынға жұмсаған балалар ауруханасының есепшісі сотталды, деп хабарлайды Хабар 24.

Қалалық соттың баспасөз қызметі хабарлағандай, ер адам бес жылға бас бостандығынан айырылды. Сот оның шын жүректен өкінгенін және кішкентай баласының болуын ескерді. Сонымен қатар, сотталушы мемлекетке келтірілген шығынды ішінара өтеген.

Ол жазасын орташа режимдегі колонияда өтейтін болады. Сондай-ақ өмір бойына мемлекеттік қызметте және жергілікті өзін-өзі басқару органдарында қызмет атқару құқығынан айырылды.